« Lou bi noubel », de Gustave et Gaston Bessière

Lou bi noubel
Lou bi de l’on possat ol borricou s’ocabo ;
Mès, oqueste motis, ol rojouol del tounel,
Oben tostat lou bi noubel de nouostre cabo,
Ordent et clar coumo lo flomo d’un gobel.

Nouostre bi sero bou ; lou biel nous osseguro
Que s’en biouro pas gaire, auon, dins Morcilhac,
Que bous laisse oquel fun de fronbouèso moduro
Et crème d’un tal fuoc ol founs de l’estoumac.

Per fouoire, porlés pas de sitro ni de bièro :
Bibo lou saumonsés estuflat ol golet
Toutjour, ol nouostre oustal, per boulega lo terro,
Lou bi que s’es begut o staubiat un boilet.

Bengo lou missont tens, aro lo cabo es pleno,
Poudèn loissa lo nèu ocota lou fournel ;
Obèn ocouo que cal per dousta touto peno ;
Esperoren lo primo ondé lou bi noubel.

Segolis, Caussonels couneissou nouostre bilo,
Aimou lou saumonsés et ne benou serca ;
De lours buous enjulhats entendren lèu l’esquilo,
Et bendren nouostre bi, se crounpèn nouostre pa.

Originally posted 2012-07-29 17:33:58. Republished by Blog Post Promoter