« Lo bèlo Bitorino », de Gustave et Gaston Bessière

Efonts de Morcilhac,
Per fa mounta lou sac,
Encaro un couop d’esquino !
Et, se lou sac es dur,
Conten, toutes en cur,
Lo Bèlo Bitorino.

Lebado boun motis,
Fo bioure lous coutis,
– Encaro un couop d’esquino ! –
Penso bacos et buous
Et bo leba lous uous,
Lo Bèlo Bitorino.

 O lous uèls coucorels
Et lous pelses roussels,
– Encaro un couop d’esquino ! –
Mès so qu’o de milhour,
Ocouo’s soun cur en flour,
Lo Bèlo Bitorino.

Soun cur es pas per iou
Ni ma per tu, Motiou,
– Encaro un couop d’esquino ! –
Ni ma pel copoural,
Ni ma pel general,
Lo Bèlo bitorino.

Lou que soun cur o pres
Es un postrou de res,
– Encaro un couop d’esquino ! –
Ondé soun estiflouol,
Lo charmo tont que bouol,
Lo Bèlo Bitorino.

Ond’oquel esturment,
Passou mai d’un moument,
– Encaro un couop d’esquino ! –
Sons pensa mai o mal
Que lo poulo ed lou gal,
Lo Bèlo Bitorino.

 

Originally posted 2012-07-29 17:33:58. Republished by Blog Post Promoter

ut venenatis, Sed efficitur. commodo libero ut felis in