Chansons de Marcillac : « Lou desporti »

Chut ! escoutas, bous dise !
Ocouo’s pas lo perdise
Ni mai lou posserat ;
Ocouo’s, dins lo cobono,
Cauque luroun que pono
Un poutou plo tindat.

Tout en fen lo pronjièiro,
Pendent uno ouro entièiro
S’entendou los consous,
Pièi lou pepi nous conto
Un biel couplet que bonto
Lou souort des binhoirous.

– Pepi, contas enquerro
Lo consou d’un couop èro,
Que iou m’ogrado tont ;
Se lou tens l’o fonado,

S’en es tout’embaumado
Coumo lou bi d’onton !

                  (de Gustave et Gaston Bessières)

LOU DESPORTI

Pel cominouol que mouonto,
Lou postourel que conto
Orribo ondé Morti,
Et cado bendenhaire
S’enquesto d’ona faire
Ounour ol desporti.

Lou fun de lo recouolto,
Lo coresso de l’olto,
Lo consou des ousels
Degaiou l’oustolado
Que monjo, ocoucoulado,
Sur de mounts de poissels.

Marioun, qu’es pas prou fouorto
Pel grouos borral que pouorto,
Nous meis en fodejent,
Et lou bi del terraire
Lusis, clar et tentaire,
Dins lous tossous d’orjent.

Sul puèj que nous ogajo
Cauque cossaire lajo
Soun co dorré’n lebrau,
Et, dins uno prodèlo,
Lou fun d’uno fournèlo
Se lèbo sur Crenau.

 

Originally posted 2012-07-29 17:33:58. Republished by Blog Post Promoter

accumsan lectus pulvinar diam Phasellus adipiscing vulputate, tristique